ಆರೋಗ್ಯಕರ ಜೀವನಶೈಲಿಗೆ ಹವ್ಯಾಸಗಳು ಮುಖ್ಯ. ಇವು ಮಕ್ಕಳ ವ್ಯಕ್ತಿವಿಕಸನಕ್ಕೆ ಸಕಾರತ್ಮಕ ಕೊಡುಗೆ ನೀಡುತ್ತವೆ. ಹವ್ಯಾಸಗಳು ಹೊಸತನ್ನು ಕಲಿಯುವ ಅವಕಾಶ ಮತ್ತು ವಾತಾವರಣವನ್ನು ನಿರ್ಮಿಸಿಕೊಡುತ್ತವೆ. ಹಾಗಾದರೆ ಪೋಷಕರಾಗಿ ಮಕ್ಕಳಲ್ಲಿ ಉತ್ತಮ ಹವ್ಯಾಸಗಳನ್ನು ಬೆಳೆಸಲು ನಾವು ಮಾಡಬೇಕಾದ ಕೆಲಸವೇನು? ಅವರಿಗೆ ಹೊಸತನ್ನು ಕಲಿಯಲು ಹೆಚ್ಚು ಹೆಚ್ಚು ಅವಕಾಶಗಳನ್ನು ಕಲ್ಪಿಸಿ ಕೊಡುವುದು. ಬನ್ನಿ, ಈ ಲೇಖನದಲ್ಲಿ ಯಾವೆಲ್ಲ ರೀತಿಯಲ್ಲಿ ಮಕ್ಕಳಲ್ಲಿ ಉತ್ತಮ ಹವ್ಯಾಸ ಬೆಳೆಸಬಹುದೆಂದು ತಿಳಿಯೋಣ.
1. ಕಲೆ ಮತ್ತು ಕರಕುಶಲತೆ
ಕಲೆ ಮತ್ತು ಕರಕುಶಲ ವಸ್ತುಗಳು ಮಕ್ಕಳಿಗೆ ತಮ್ಮನ್ನು ತಾವು ವ್ಯಕ್ತಪಡಿಸಲು ಸಹಾಯ ಮಾಡುತ್ತವೆ, ಅವರ ಸೃಜನಶೀಲತೆಯನ್ನು ಪೋಷಿಸಲು ವೇದಿಕೆಯನ್ನು ನೀಡುತ್ತದೆ. ಇದು ಮಕ್ಕಳಲ್ಲಿ ತಾಳ್ಮೆ ಮತ್ತು ಏಕಾಗ್ರತೆಯನ್ನು ಬೆಳೆಸಲು ಸಹಾಯ ಮಾಡುತ್ತದೆ.
ಮಕ್ಕಳು ಪ್ರಯತ್ನಿಸಬಹುದಾದ ಕೆಲವು ಕಲೆ ಮತ್ತು ಕರಕುಶಲ ರೂಪಗಳು :
- ರೇಖಾಚಿತ್ರ ಮತ್ತು ಚಿತ್ರಕಲೆ: ಪೆನ್ಸಿಲ್ ರೇಖಾಚಿತ್ರಗಳು, ಕ್ರಯೊನ್ಸ್ ಬಣ್ಣ, ಅಕ್ರಿಲಿಕ್ ಚಿತ್ರಕಲೆ, ಕ್ಯಾನ್ವಾಸ್ ಚಿತ್ರಕಲೆ, ಇತ್ಯಾದಿ.
- ಕ್ವಿಲ್ಲಿಂಗ್: ಇದು ಕಾಗದದ ಪಟ್ಟಿಗಳನ್ನು ವಿಭಿನ್ನ ರೂಪಗಳು ಮತ್ತು ಆಕಾರಗಳಲ್ಲಿ ಉರುಳಿಸುವ ಕಲೆ, ನಂತರ ಅದನ್ನು ಒಟ್ಟಿಗೆ ಅಂಟಿಸಿ ಸೃಜನಶೀಲ ವಿನ್ಯಾಸಗಳನ್ನು ರೂಪಿಸುತ್ತದೆ.
- ವರ್ಲಿ ಕಲೆ: ಇದು ಭಾರತದ ಅತ್ಯಂತ ಹಳೆಯ ಜಾನಪದ ಕಲಾ ಪ್ರಕಾರಗಳಲ್ಲಿ ಒಂದಾಗಿದೆ, ಇದು ಮಹಾರಾಷ್ಟ್ರದ ವರ್ಲಿ ಪ್ರದೇಶದಲ್ಲಿ ಹುಟ್ಟಿಕೊಂಡಿದೆ. ಈ ಕಲಾ ಪ್ರಕಾರವು ಸುಂದರವಾದ ವಿನ್ಯಾಸಗಳನ್ನು ರಚಿಸಲು ಮೂಲ ಜ್ಯಾಮಿತೀಯ ಆಕಾರಗಳನ್ನು ಮತ್ತು ಕೆಲವು ಚಿಹ್ನೆಗಳನ್ನು ಬಳಸುತ್ತದೆ. ಗೋಡೆಗಳು, ಬಟ್ಟೆ, ಕ್ಯಾನ್ವಾಸ್, ಇತ್ಯಾದಿಗಳ ಮೇಲೆ ವರ್ಲಿ ಪೇಂಟಿಂಗ್ ಮಾಡಲಾಗುತ್ತದೆ.
- ಒರಿಗಮಿ: ಇದು ಸುಂದರವಾದ ವಸ್ತುಗಳು / ಕರಕುಶಲ ವಸ್ತುಗಳನ್ನು ರಚಿಸಲು ನಿರ್ದಿಷ್ಟ ತಂತ್ರಗಳನ್ನು ಬಳಸಿಕೊಂಡು ಕಾಗದಗಳನ್ನು ಮಡಿಸುವ ಕಲೆ.
- ಕ್ರೋಶ(crochet): ಇದು ಕ್ರೋಚೆಟ್ ಹುಕ್, ಥ್ರೆಡ್ ಅಥವಾ ಉಣ್ಣೆಯ ಚೆಂಡು ಬಳಸಿ ಧರಿಸುವ/ಅಲಂಕಾರಿಕ ವಸ್ತುಗಳನ್ನು ರಚಿಸುವ ಪ್ರಕ್ರಿಯೆ. ಈ ದಿನಗಳಲ್ಲಿ ಈ ಕಲಾ ಪ್ರಕಾರವು ಪುನರುಜ್ಜೀವನಗೊಳ್ಳುತ್ತಿದೆ.
2. ಸಂಗೀತ
ಪ್ರತಿಯೊಬ್ಬರಿಗೂ ತಮ್ಮ ಜೀವನದಲ್ಲಿ ಒಂದು ಸಮಯದಲ್ಲಿ ಸಂಗೀತದ ಅಗತ್ಯವಿದೆ. ಮಕ್ಕಳು ಹುಟ್ಟಿನಿಂದಲೇ ಸ್ವಾಭಾವಿಕವಾಗಿ ಅದರತ್ತ ಒಲವು ತೋರುತ್ತಾರೆ. ಸಂಗೀತದೊಂದಿಗಿನ ಆ ಸಂಬಂಧವನ್ನು ಪೋಷಿಸುವುದು ಅವರ ಒಟ್ಟಾರೆ ಬೆಳವಣಿಗೆಯ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ.
ನಿಮ್ಮ ಮಗುವಿಗೆ ಯಾವುದೇ ರೀತಿಯ ಶಾಸ್ತ್ರೀಯ ಸಂಗೀತ ಅಥವಾ ಸಂಗೀತ ವಾದ್ಯಗಳನ್ನು ಕಲಿಯುವಂತೆ ಮಾಡಿ. ಇದು ಅವರ ಮೆದುಳಿನ ಕಾರ್ಯಕ್ಷಮತೆ ಮತ್ತು ಕಲಿಕಾ ಸಾಮರ್ಥ್ಯವನ್ನು ಹೆಚ್ಚಿಸುವುದರ ಜೊತೆಗೆ ಶಿಸ್ತು, ಸಮರ್ಪಣೆ ಮತ್ತು ಪರಿಶ್ರಮದಂತಹ ಗುಣಗಳನ್ನು ಕಲಿಸುತ್ತದೆ.
3.ನೃತ್ಯ
ನಮ್ಮ ಮಕ್ಕಳು ತಂತ್ರಜ್ಞಾನ ತುಂಬಿದ, ಗ್ಯಾಜೆಟ್ ಸ್ನೇಹಿ ವಾತಾವರಣದಲ್ಲಿ ಬೆಳೆಯುತ್ತಿದ್ದಾರೆ. ಜೀವನಶೈಲಿ ಕಾಯಿಲೆಗಳನ್ನು ನಮ್ಮ ಮಕ್ಕಳಿಂದ ದೂರವಿರಿಸಲು ನಾವು ಅವರನ್ನು ನೃತ್ಯದಂತಹ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವಂತೆ ಮಾಡಬೇಕು. ಇದು ಅವರ ದೈಹಿಕ ಮತ್ತು ಭಾವನಾತ್ಮಕ ಬೆಳವಣಿಗೆಗೆ ಸಹಾಯಕವಾಗಲಿದೆ.
ಮಕ್ಕಳನ್ನು ಆರೋಗ್ಯವಾಗಿಡಲು ಎಲ್ಲ ರೀತಿಯ ನೃತ್ಯ ಪ್ರಕಾರಗಳು ಸಹಾಯ ಮಾಡುತ್ತವೆ. ಆದರೆ ರಚನಾತ್ಮಕ ಮತ್ತು ಶಿಸ್ತುಬದ್ಧ ಅಧ್ಯಯನವನ್ನು ಒಳಗೊಂಡಿರುವುದರಿಂದ, ಶಾಸ್ತ್ರೀಯ ರೂಪವನ್ನು ಕಲಿಯುವುದು ಉತ್ತಮ ಎನ್ನುವುದು ನಮ್ಮ ಅಭಿಪ್ರಾಯ.
4.ವಿಜ್ಞಾನ
ವಿಜ್ಞಾನವು ಯಾವಾಗಲೂ ಯುವ ಮನಸ್ಸನ್ನು ಆಕರ್ಷಿಸುತ್ತದೆ. ನಿಮ್ಮ ಮಗುವಿಗೆ ಯಾವುದರ ಬಗ್ಗೆಯಾದರೂ ಕುತೂಹಲವಿದ್ದರೆ, ನಿಜ ಜೀವನದ ಉದಾಹರಣೆಗಳನ್ನು ತೋರಿಸುವ ಮೂಲಕ ಆ ಕುತೂಹಲವನ್ನು ಪೋಷಿಸಿ. ಈ ರೀತಿಯ ಚಟುವಟಿಕೆಗಳಿಗೆ ನೀವು ಅವರನ್ನು ಪರಿಚಯಿಸಬಹುದು:
- ನಕ್ಷತ್ರ ನೋಡುವುದು ಮತ್ತು ಬಾಹ್ಯಾಕಾಶದ ಬಗ್ಗೆ ಕಲಿಯುವುದು
- ವಿಜ್ಞಾನ ಪ್ರಯೋಗಗಳು
- ತೋಟಗಾರಿಕೆ, ಇತ್ಯಾದಿ
5.ಕ್ರೀಡೆ
ಹೊರಗೆ ಆಟವಾಡುವುದು ಮಕ್ಕಳಿಗೆ ಕಡ್ಡಾಯ. ನಿಮ್ಮ ಮಕ್ಕಳಿಗೆ ಯಾವುದೇ ರೀತಿಯ ಹೊರಾಂಗಣ ಕ್ರೀಡೆಗಲ್ಲಿ ಆಸಕ್ತಿ ಬೆಳೆಸಿ. ಇದರಿಂದಾಗಿ ಅವರು ಜೀವನ ಪೂರ್ತಿ ಒಂದು ಆರೋಗ್ಯಕರವಾದ ಹವ್ಯಾಸದ ಜೊತೆ ನಂಟು ಬೆಳೆಸಿಕೊಳ್ಳಬಹುದಾಗಿದೆ. ಇತ್ತೀಚೆಗೆ ಮಕ್ಕಳು ಒಲವು ತೋರಿತ್ತಿರುವ ಕೆಲವೊಂದು ಕ್ರೀಡೆಗಳು:
- ಸೈಕ್ಲಿಂಗ್
- ಸ್ಕೇಟಿಂಗ್ / ಸ್ಕೇಟ್ ಬೋರ್ಡ್ / ವೇವ್ ಬೋರ್ಡ್
- ಈಜು
- ಓದುವುದು
- ಬ್ಯಾಡ್ಮಿಂಟನ್, ಟೆನಿಸ್ಫು,ಫುಟ್ಬಾಲ್ ಮುಂತಾದ ಯಾವುದೇ ಕ್ರೀಡೆಗಳು.
6.ಜೀವನಕ್ಕೆ ಬೇಕಾಗುವ ಕೌಶಲ್ಯಗಳು(ಲೈಫ್ ಸ್ಕಿಲ್ಸ್):
ಜೀವನ ಕೌಶಲ್ಯಗಳು ಮಕ್ಕಳನ್ನು ನೈಜ ಜಗತ್ತನ್ನು ಎದುರಿಸಲು ಸಜ್ಜುಗೊಳಿಸುತ್ತದೆ. ಹವ್ಯಾಸಗಳಾಗಿ ತೆಗೆದುಕೊಳ್ಳಬಹುದಾದ ಕೆಲವು ಕೌಶಲ್ಯಗಳು (ಅವರ ವಯಸ್ಸಿನ ಪ್ರಕಾರ):
- ಅಡುಗೆ
- ಕಾರ್ಯಕ್ರಮ ನಿರ್ವಹಣೆ
- ಛಾಯಾಗ್ರಹಣ
- ಓದುವಿಕೆ,
- ಹೊಲಿಗೆ,ಇತ್ಯಾದಿ.
